बाळ जन्माला आल्यानंतर त्याच्यावर घडणाऱ्या संस्कारातून मोठेपणी त्याचे व्यक्तिमत्त्व तयार होते. व्यक्तिमत्त्व विकास ही सतत चालणारी प्रक्रिया असूनही ती कशी घडते हे आपल्याला कळत नाही. हा विकास कसा घडत जातो, व्यक्तिमत्त्वाबद्दलच्या सर्व संकल्पना विनोद बिडवाईक यांनी ‘व्यक्तिमत्त्व विकासाचा कोलाज’मधून सोप्या भाषेत समजवून दिल्या आहेत.
व्यक्तिमत्त्वातल्या सर्व गुण-दोष प्रवृत्तीचा, स्वभावाचा अभ्यास करून सर्वव्यापी साधणे म्हणजे व्यक्तिमत्त्व विकासाची प्रक्रिया, अशी व्याख्या लेखकाने केली आहे. व्यक्तिमत्त्व विकासात बदलाला महत्त्व असल्याने प्रथम आपल्या मनाची तयारी हवी. नकारात्मकतेला स्थान न देता आपल्यातील गुण-दोष, स्वभाव ओळखून त्याला सकारात्मक वळण दिल्याने आपण यशाची फळे आनंदाने चाखू शकतो.
आपण दुसऱ्यांपेक्षा वेगळे आहोत या भावनेतून घडत जाणारे व्यक्तिमत्त्व, व्यक्तिमत्त्वाच्या जडणघडणीत आरोग्याचे महत्त्व, संवाद साधण्याची पद्धत, अंतर्मुख व बहिर्मुख व्यक्तिमत्त्व, निर्णयक्षमता, माणसे सांभाळण्याची कला अशा विविध मुद्द्यांची चर्चा करीत एखाद्यामधील वेगवेगळ्या पैलूंतून कसदार व्यक्तिमत्त्व कसे उमलून येऊ शकते याबद्दल मार्गदर्शन केले आहे.
प्रकाशक : बोहोसोल पब्लिकेशन
पाने : १२१
किंमत : १७५ रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)